Air-Bagan ရန်ကုန်-စင်ကာပူခရီးစဉ် စက်တင်ဘာ ၇ ရက်နေ့စတင်မည်
Posted August 20th, 2007 by soewaisoe
Air-Bagan လေကြောင်းလိုင်းသည် ၎င်း၏ဒုတိယမြောက် ပြည်ပခရီးစဉ်အဖြစ် စင်ကာပူနိုင်ငံသို့ လာမည့်စက်တင်ဘာလ ၇ ရက်နေ့မှ စတင်၍ နေ့စဉ်ပျံသန်းသွား မည်ဖြစ်ကြောင်း အဆိုပါလေကြောင်းလိုင်းမှ ယခုရက်ပိုင်းတွင် သတင်းထုတ် ပြန်ချက်အရ သိရသည်။
လေကြောင်းလိုင်း အေဂျင်စီအသိုင်းအဝိုင်းမှ သတင်းများအရ Air-Bagan ၏ ရန်ကုန်-စင်ကာပူ လက်မှတ်နှုန်းထားမှာ အမေရိကန်ဒေါ်လာ ၁၂၃ ဒေါ်လာဟုသတ်မှတ်ထားပြီး လက်ရှိပြေးဆွဲနေသည့် စင်ကာပူ Silk- Air လေကြောင်းလိုင်း ထက်များစွာသက်သာကြောင်း သိရှိရသည်။
Air-Bagan လေကြောင်းလိုင်းသည် နိုင်ငံတကာခရီးစဉ်သစ်များ ပြေးဆွဲရန်အတွက် မကြာမီက လေယာဉ်မယ် ၂၀ ဦးကို အသစ်ထပ်မံခေါ်ယူထားပြီးကြောင်း လေကြောင်းလိုင်းကိုယ်စားလှယ်များက ပြောကြားသည်။
Air-Bagan လေကြောင်းလိုင်းကို ၂၀၀၄ ခုနှစ် နိုဝင်ဘာလ ၄ ရက်နေ့တွင် စတင်တည်ထောင်ခဲ့ပြီး ပြည်တွင်းရှိမြို့ပေါင်း ၁၇ မြို့နှင့် နိုင်ငံတကာ ခရီးစဉ်အဖြစ်ထိုင်းနိုင်ငံ ဘန်ကောက်မြို့တို့ သို့ပျံသန်းပြေးဆွဲလျက်ရှိသည်။
မင်္ဂလာပါ
Saturday, August 25, 2007
Air-Bagan
Subscribe to:
Post Comments (Atom)
0 comments:
Post a Comment